العائد الحلقه الاولى

أنا ملك عندي 19 سنه وانهارده أول يوم فى تحقيق حلم حياتي حلم 12 سنه تعليم , انهارده أول يوم ليا في الجامعة الطول عمري بحلم انى ادخلها ( كليه الهندسة المدني ) كتير قالولى انها متنفعش للبنات بس انا طموحاتى كانت عاليه شويتين عن كده , من غير ما اطول عليكم انا روحت الجامعه فإذا هى مليئه بالطلاب والطالبات وتقريبا كده انا وكم بنت بس زى ما بنقول كده بيتعدوا على الصوابع , وكنت فى قمه سعادتي وانا فى المحاضره الاولى بقى محدش قدى بس لاحظت حاجه ان كان فى شاب تقريبا كده من سنى ده كان معايا فى المحاضره وكنت بحس انه بيبص عليا عارف انت احساس لما تحس ان فى حد جنبك بيبص عليك واول ما ابص ليه الاقيه مش ملتفت ليا ،، بس كان طول اليوم لوحده انا مبرقبوش على فكره بس شوفته فى المحاضره والكفاتريه ولما كنت بنقل الجدول الصبح كمان وشكله من لبسه كده ان هو بيحب الاستايل القديم اللى هو دلوقتى مووضه بس ده بقدم عن الموضة الموجوده كمان’’ زى بنطلون ضيق من فوق ووااسع من تحت وقميص كروهات اسود وحبلين من الجانبين طالعين على الكتف موصلين بالبنطلون زى بتوع زمان اللى بنشفهم فى الافلام دوول , اه وعلى فكره هو امور وقليل الكلام اووى عدى كم شهر ليا فى الجامعه وكونت صداقات لعند ما جت الامتحانات بتاعت نصف العام والهندسه طبعاا مش سهله بالمره خالص ,, بس الحمدلله عدى شهر الامتاحانات على خير و الكليه مطلعه رحله سفاري لمده اسبوعين بتوع الاجازه وبما انى من عيله مصريه أصيله العادات والتقاليد بتمنع انى اغيب عن البيت اسبووعين لا وكمان فى صحرا وكان اهلى خيفين عليا بس على مين بقى ,زنى علي بابا وماما كان اكبر بكتيير من كده لعند ما وفقوا انى اروح الرحله ، رحت جهزت الشنطه بتاعتى والكلام ده ونمت وانا بحلم ازاى هتبقى الاجازه وهعمل فيها ايه والكلام ده ،، رحت تانى يوم الكليه وفرحانه ماهى بقى اول مره اغيب الفتره دى كلها عن البيت لا وكمان مع اصحاابي يعنى مافيش بعد كده , ركبنا السوبرجيت الهيودينا السفارى ’’ اه على فكره نسيت اقولكو ان الشاب اللى شوفته فى اول يوم كليه معانا وان الرحله سفارى يعنى صحرا , كانت من صحارى مصر ,, صحارى الغردقه منطقه كلها جبال والجو بارد فى المناطق دى ,, وقضينا و قت جميل فى السوبرجيت وهيصنا بس صاحبنا ده قعد فى اخر الباص فى ركن لوحده كده وانا مستغرباه اوى بس قولت لنفسي انا مالى ما يمكن معقد ولاحاجه وبصراحه مفكرتش في حاله كتير وألتفتت لأصحابي وغنينا كالعاده ما بنعمل رحلات بس باختلاف بسيط عن رحلات المدرسه ,,’’ واحنا فى طريقنا للوصول للمكان سمعنا صوت صريخ واستغاثة حد او بمعنى اصح اتنين كان صوتهم مختلف ومميز كلنا اتجمدنا فى مكانا كان جالنا شلل وصمت رهيييب الا صوت الاغانى شغااال بس صوت الاغانى ساعتها كان يخوف مش يفرح والسوبرجيت وقف فجاه وبصينا لبعض ونزلنا كلنا يمكن يكون فى حاجه نقدر نساعدها بيهم بس الولد ده المعرفش اسمه حتى ولا بيكلم حد وفاضل فى مكانه متحركش ولا اتهز زى ما يكون متعود على الحصل ,, بس هو بصلى وانا نازله ..نظراته كانت بتقولى لا متنزليش خليكى موجوده كأن فى حاجه مستنيانى لو نزلت هتأذينى بس مقدرتش اقعد نزلت بسررعه تحت معاهم و حصل........