العــــــــــــــائــد ... الجزء الثالث |ِِ|ِ|

افكركم بيا .. انا ملك طالبه فى كليه الهندسه اللى روحت رحله سفاارى مع زمايلى فى الكليه , وسمعنا صوت ناس بتثتغيث بينا واتضح انى بس اللى سامعه الصوت ده لوحدى وحصل انى شوفت كتله سوده قدامى ومغطيها شعر ومش باين ايه الكائن ده خالص , لا هو حيوان ولا انسان ولا جنى حتى مش باين مين ده !! , و اغمى عليا وصحبتى نورهان فوقتنى و ساعتها اتضح انى يا اتجننت يا كان كل ده خيال وعدى اليوم وعرفت اغمض عينى ... ونمت وصحيت ولاقيت الاتى :- لاااقيت !!! لاقيت نفسى فى فيلااا قديمه بس فى ناس وكانهم مش شايفنى .. انا لافيت فيها الانى مش عارفه انا فين اصلا دخلت غرفه نوم وفى شخص نايم على السرير ولا كأنى موجوده اصلا وحدش حاسس بيا .. قطع المشهد الصامت ده صووت بيقول (مراااد) !! وهو بيقولها نعم يا حبيبتى فى ايه صوتك عالى كده ليه ؟؟؟ عارفين شووفت ايه كمان ؟؟؟اقولكم شفت ايه شفت الكائن الاسود وهتقولولى عرفتيه ازاى ؟ هقولكم الانها شبه جدا نفس طول الشعر بس هى طلعت ست وجميله كمان وباين عليها وعلى المكان انه مكلف كتير يعنى ناس غنيه وكان فى منتهى الجمال عارفين لو وصفتها من هنا لبكره مش هتصدقوو ..وشفت كمان !!! الولد اللى كان فى الكليه اللى كان بيبص عليا اللى فاكرينه ؟ ايوه هو..اسمه (مراد) عفت ده من ان مراته كانت بتقوله يا مرااااااد وبصوت عالى زى ما قولتلكم .. دخلت هى وماسكه حاجه ورى ظهرها وبتقوله مراااد مراااااد , وبتصرخ وهى بتنادى عليه .. بدات تطعنه فى ظهره وبتصرخ بشكل هستيرى بتقول وهى بتطعنه .. ـــ سامحنى يا مرااااد سااامحنى يا حبيبي ـــ وفجأه تقول ...ـــ الله يلعنك عملت فيا كده ليه انا عملتلك ايه وبتشتمه وبتطعنه بشكل يعنىى كأنه عمل حجاه متعملتش فيها وبتنتقم منه ؟!! انا قولت فيها حاجه مش طبيعيه منين بتقوله كده ومنين بتشتمه ؟؟! سكتت الست دى خالص وبدات تغمض عيونها وكل ده انا مرقباه وحاسه بخوف اوووى وقامت بصالى !!!!! اه والله بصتلى وشافتنى وقربت ليا . الكابوس انتهى بدخول نورهان الحمدلله زى ما بنسمع فى الافلام والرويات ومحدش يسالنى ان كان حقيقه ولا لا؟ الانى انا نفسى مش عارفه اصلا .. نورهات وهى بتصحينى اختفى كل ده وبتقولى ايه يا بيبى مش كفايه نوم بقى ؟ قولتلها نوم ايه هو انا شوفت ريحه النوم ولا ارتحت اصلا ؟ نورها : ههههههههههههه ضحكتينى ايه يابنتى انتى مش عارفه الساعه كام دلوقتىى ؟

قولت : كام ؟ نورهان : 7 بليل يا انسه يعنى نايمه اكتر من 12 ساعه وبتقوليلى منمتيش وانا ادبست فى كل حاجه انا ســــــــاكته ومش بنطق بحرف .. يمكن من الصدمه بس بفكر فى حاجه جوايا وسالت نورهان سؤال معرفش ليه قولته بس حاجه جوايا قالتلى اسئليها قولتلها : بقولك ايه يانورهان ماعرفيش او مستمعتيش عن حد اسمه مراد ؟ نورهان وهى كانت مرتبكه او اتفاجأت بالسؤال ده : ههههه ايه يابنتى ده حد اتعرفتى عليه جديد ولا ايه وانا معرفش غير ليلى مراد انا : اه طيب ماشى المهم انى قومت معاها واتمشينا وطول فتره كلامنا وانا بفكر فى اللى انا شوفته . نورهان قاطعت تفكيرى بانها بتقولى ايه يا كبيره ايه اللى واخد الجو ؟ قولتاه كبيره ؟؟؟ لا يا ستى انا معاكى كملى اتفضلى قعدت تحكيلى عن نفسها وانها ازاى دخلت الجامعه وان ابوها متوفى وامها متوفيه فى احداث غامضه واتبناها راجل غنى وعاشت معاه هو وزجته وعاملها بما يرضى الله واتعلمت تعليم عالى وفى مدارس امريكيه كمان اه نسيت اقولكم انى فى هندسه المانيه منحه من الدول الانى كنت من الاوائل على الجمهوريه وان نورهان فى 3 كليه ... وكملت كلامها وقالت وبس يا ستى وانا اهو قدامك احكيلى عن نفسك شويه قولتها مافيش حاجه تتحكى انا وحيده امى وابويا وكان لى اخ صغير بس توفى وهو جنين فى بطن ماما بسبب دوا اخدته غلط و انا بطلع من الاوائل دايما الحمدلله واهلى مش فقرا ولا اغنيا اهلى من الطبقه المتوسطه يعنى والحمدلله مستورين وكله تمام وهو لسه بكمل لاقيت تلفون من ماما بتكلمنى ازاى والموبايل كان مقفول ؟؟؟ معرفش رديت لاقيت امى بتقولى تعالى بسرعه يا ملك ابوكى تعبااان اوى تعالى بسرعه والخط اتقطع , انا قولت لنورهان بسرعه لازم امشى قالت اوك يلا بينا واتصلت بالسواق بتاعها علشان يجى وعقبال ما لمينا حاجتنا وقولنا لمشرف الرحله اننا هنمشى ووقعنا على ورق بيخلى مسؤوليه المشرف… الى اللقاء فى الجزء الرابع مع مدونة رؤية vision

بقلم الكاتبة : ميرا مكرم عضو مدونة رؤية vision

Tweet

مواضيع ذات صلة

العــــــــــــــائــد ... الجزء الثالث |ِِ|ِ|

4/ 5

Oleh Unknown

Unknown تمّ النشر بـ 4:08 م أضف تعليق